Испаниялик мураббий Кике Сетьен "Барселона"даги қисқа фаолиятини эслади.
Мутахассис 2020 йил бошида орзусидаги ишга эришиб, каталонияликлар бош мураббийига айланган эди. Бироқ ўша йилнинг август ойида Чемпионлар лигасида "Бавария"дан 2:8 ҳисобидаги мағлубиятдан сўнг лавозимидан озод этилган.
"Барселона"га бош мураббий этиб тайинланишим мен учун ақлбовар қилмас воқеа эди. Аммо, афсуски, у ерда ўзимни ўз ўрнимда эмасдек ҳис қилганман.
Ҳатто ўша даврдаги суратларимга қараганимда, ўзимни танимайман.
Албатта, клубга келганимдан афсусланмайман. Бироқ бу осон кечмаган. Мен ўша тажрибадан керакли даражада завқ ололмадим", — дея Сетьеннинг сўзларини келтиради Barca Universal.
Айни пайтда 68 ёшли мутахассис ҳеч қайси жамоада мураббийлик қилмаяпти.
