Миланнинг «Интер» клуби бош мураббийи Кристиан Киву жамоа ҳимоячиси Жед Спенснинг айни пайтдаги ҳолати ҳақида фикр билдирди.
«Жед бир ҳафтадан буён биз билан машғулотларда иштирок этмоқда. Душанбадан бошлаб у ҳеч қандай чекловларсиз шуғулланяпти ва ҳеч қандай муаммога дуч келмаяпти.
Унинг қайтганидан хурсандмиз. Ниҳоят, унинг табассумини яна кўрамиз ва имкониятларини баҳолай оламиз», — дея Кивунинг сўзларини келтиради Inter Xtra.
«Интер» ўтган ёзда Спенсни Лондоннинг «Тоттенхэм» клубидан 30 миллион еврога сотиб олган эди.
Бироқ 26 ёшли англиялик ҳимоячи ҳозиргача «нерадзуррилар» сафида дебют қилишга улгурмади.
10 октябрь куни «Интер» ўз майдонида «Парма»ни қабул қилади.
Италия А Сериясининг олтинчи туридан ўрин олган ушбу учрашув Ўзбекистон вақти билан соат 21:00 да бошланади.
