Таниқли инсайдер Фабрицио Романо Мадриднинг «Реал» клуби марказий ҳимоячиси Рауль Асенсионинг келажаги ҳақида фикр билдирди.
23 ёшли футболчи сўнгги вақтларда соғлиғи билан боғлиқ муаммоларга дуч келмоқда. Яқинда испаниялик ҳимоячи катта болдир суяги сингани сабаб жарроҳлик амалиётини ўтказишга мажбур бўлди.
«Мен 2027 йилда Асенсио атрофидаги вазиятни диққат билан кузатган бўлардим. Катта эҳтимол билан, ёзда унинг трансфери ҳақида кўплаб гап-сўзлар бўлади», — деди Романо.
Ўтган трансфер ойнасида ҳам футболчининг «Реал»ни тарк этиши мумкинлиги ҳақида миш-мишлар тарқалган эди. Бироқ клубга маъқул келадиган жиддий таклифлар бўлмаган.
«Ўтган ёзда ҳеч ким «Реал»ни ҳам, Раулнинг ўзини ҳам қониқтирадиган таклиф билан чиқмади», — дея қўшимча қилди инсайдер.
Асенсионинг майдонга қайтиши келаси йилнинг бошига режалаштирилган.
