Италиянинг «Комо» клуби асосий таркибнинг икки муҳим футболчиси билан шартномаларни узайтиришга қарор қилди.
Sky Sport нашри маълумотларига кўра, клуб раҳбарияти ўтган мавсумда жамоанинг тарихий натижа қайд этиб, Чемпионлар лигасига йўлланма олишига ҳисса қўшган Анастасиос Дувикас ва Максимо Перронега ишонч билдиришда давом этмоқчи.
Дувикас 2025 йилда «Комо» сафига қўшилган ва қисқа вақт ичида ўзининг юқори самарадорлигини намойиш этган.
Жамоага Мойзе Кин келиб қўшилганига қарамай, клуб Дувикас билан ҳамкорликни давом эттиришга қарор қилди.
«Комо» бош мураббийи Сеск Фабрегас таъкидлаганидек, Дувикас энди асосий таркибдаги ўрин учун Мойзе Кин билан рақобатлашишига тўғри келади.
Шунга қарамасдан, клуб футболчининг маошини сезиларли даражада ошириб, у билан шартномани 2030 йилгача узайтиришга қарор қилди.
Максимо Перронега келсак, унинг шартномаси узайтирилиши билан боғлиқ тафсилотлар ҳозирча ошкор қилинмаган.
