«Манчестер Юнайтед»нинг собиқ футболчиси Гари Невилл молиявий қоидабузарликлар билан боғлиқ иш юзасидан «Манчестер Сити»га нисбатан қаттиқ жазо чоралари қўлланилишини талаб қилди.
«Менимча, клуб эгалари кетиши керак. «Манчестер Сити» тегишли даврда қўлга киритган чемпионлик унвонларидан маҳрум қилиниши, шунингдек, бир неча йил давомида очколари олиб ташланиши лозим.
Агар уларга ҳам мен директор ва клуб эгаси сифатида риоя қилишим шарт бўлган талаблар изчил қўлланилса, клуб эгалари ва раҳбарлари учун ўз лавозимларини сақлаб қолиш қийин бўлади», — дея Невиллнинг сўзларини келтиради Mirror нашри.
Аввалроқ мустақил комиссия «Манчестер Сити»ни молиявий қоидаларни бузганликда айбдор деб топгани ҳақида хабар берилган эди.
Бироқ клубга нисбатан қўлланиладиган якуний жазо чоралари ҳозирча эълон қилинмаган.
