Европанинг бир қатор клублари «Ливерпуль» ярим ҳимоячиси Флориан Вирц атрофидаги вазиятни диққат билан кузатмоқда.
Журналист Экрем Конурнинг ижтимоий тармоқларда хабар беришича, мерсисайдликлар бош мураббийи Андони Ираола яқин вақт ичида германиялик футболчининг келажаги борасида муҳим қарор қабул қилишига тўғри келади.
Вирц ўтган йил ёзида Леверкузеннинг «Байер» клубидан «Ливерпуль» сафига кўчиб ўтган эди.
Англия клуби унинг трансфери учун 100 миллион евродан ортиқ маблағ тўлаган.
23 ёшли германиялик ярим ҳимоячининг «қизиллар» билан амалдаги шартномаси 2030 йилнинг июнь ойи охиригача мўлжалланган.
Бироқ Вирц ҳозирча ўзига билдирилган катта ишончни оқлай олмаяпти.
У жорий мавсум Англия Премьер-лигасида бешта учрашувда иштирок этиб, атиги битта голли узатмани амалга оширган.
