Саноқли дақиқалардан сўнг "Локомотив" ва "Пахтакор" жамоалари ўртасидаги Олий лига 21-турининг марказий баҳси бошланади. Жамоалар таркиби маълум бўлди.
Биз ушбу саҳифа орқали учрашувнинг энг қизиқарли вазиятларини матнли онлайн трансляция қилиб борамиз.
Жамоалар ЎзПФЛ мадҳияси садолари остида майдонга чиқиб келишди. "Локомотив" қизил, "Пахтакор" сариқ рангли формада ҳаракат қилишади.
1'. Ўйин бошланди. Тўпни ўйинга "Пахтакор" футболчилари киритиб беришди.
5'. Ўйин шиддатли бошланди. Ўйин бошида меҳмонлар босимни кўпроқ уюштиришмоқда. Темирйўлчилар энди ўзларига келишмоқда.
10'. Майдонда тенглик. Ҳозирча хавфли вазиятлар юзага келмади. Майдон маркази учун кураш кечмоқда.
13'. "Пахтакор" ижросида хавфли вазият! Игорь Сергеев 3 метр масофадан тўпни дарвоза устидан ўтказиб юборди. Ойбек Қиличев ўнг қанотдан Шариповдан қочиб кетиб, тўпни дарвозабон майдончасига етказиб берганди! Сергеев тўпга оёқ қўйди, аммо якуний натижа...
17'. Ташаббус Исмоилов шогирдлари томонида. "Локомотив" эса дарвоза томон дастлабки зарбасини йўллади. Карпенконинг олис масофадан йўллаан зарбасини Лобанов эгаллаб олди.
22'. Ниҳоят, "Пахтакор" ҳисобни очди. "Локомотив" майдон марказида тўпни йўқотди ва пахтакорчилар тезкор ҳужум уюштиришиб, ҳисобни очишди. Гол муаллифи — Станислав Андреев!
32'. "Локо" босим уюштиришга ҳаракат қилмоқда. "Пахтакор" яхши ҳимояланмоқда. Виктор Карпенко қулай вазиятдан фойдалана олмади!
35'. Дарвозабоннинг тўпни ўйинга киритишига халал бергани учун Александр Шадрин огоҳлантирилди. "Пахтакор" эса ажойиб имкониятдан фойдалана олмади.
39'. Шерзод Шариповни тепиб йиқитгани учун Даврон Ҳошимов огоҳлантирилди.
42'. Меҳмонлар ижросида 2та хавфли қарши ҳужум. Сергеевнинг биринчи зарбасини Ғаниев эгаллаб олган бўлса, иккинчи вазиятда Гоголь ундан тўпни олиб қўйди.
44'. Махарадзе мезбонлар жарима майдончаси яқинида рақибдан тўпни олиб қўйди ва Темур Ғаниевнинг бироз олдинга чиқиб кетганини пайқаб, тўпни "парашют" услубида дарвозага йўллади. Тўп эса дарвоза тўсинига тегиб, майдонни тарк этди!
45+1. Биринчи бўлим тугади!
46'. Иккинчи бўлим бошланди. Александр Оника ўрнига майдонга Иван Нагаев туширилди.
53'. Майдонда тенгкураш кечмоқда. Мезбонлар позицион, меҳмонлар эса қарши ҳужум уюштириш пайида бўлишмоқда.
60'. "Локомотив" гол урди, бироқ қанот ҳаками байроқчасини кўтариб, офсайдни қайд этди.
62'. Жароҳатланган Акбар Исматуллаев ўрнига Анвар Солиев майдонга тушди.
67'. Шерзод Каримов майдонга туширилди. Майдонни эса Станислав Андреев майдонни тарк этди.
70'. "Локомотив" ҳужумни кўпроқ Холматов қанотидан уюштирмоқда. Дарвоза томон берилаётган зарбаларга эса аниқлик етишмаяпти.
73'. Ҳакам Марат Исмоилов "Олмалиқ" марказий ҳимоячиси Евгений Гоголни аяди. Тўп учун курашда Искандаровга ютқазган Гоголь Жамшидни очиқчасига орқасида тепиб йиқитганди. "Қизил"га тортадиган ҳолат эди.
83'. "Пахтакор" ўйин тақдирини ҳал қилиши мумкин эди. Сергеев чап томонда тўпни Солиевга етказди. Анвар эса тўпни дарвозага буриб юбора олмади.
85'. Бугунги ўйинда учинчи марта Лобанов тиббий ёрдам кўрсатилди.
88'. Шерзод Каримов очиқчасига тўпни Анвар Солиевдан қизғонди! Акс ҳолда "Пахтакор" иккинчи голни уриши мумкин эди. Каримовнинг зарбасини Ғаниев қайтарди. Темирйўлчиларнинг қарши ҳужумини эса Лобанов бартараф этди!
90. Сергеевнинг ўткир бурчакдан берган зарбасини дарвозабон майдон ташқарисидан чиқариб юборди. Ўйинга 5 дақиқа қўшиб берилди.
90+2. Холматов ва Тўхтахўжаевнинг бир-биридан хавфли икки зарбасини Лобанов бартараф этди!
90+4. "Пахтакор" бугун ҳимояда деяри бехато ўйнади.
90+5. Игорь Сергеев бирга-бир вазиятда дарвозани ишғол қила олмади.
90+5. УЧРАШУ ЯКУНЛАНДИ! «Пахтакор» биринчи даврадаги мағлубият учун «Локомотив»дан алам олди.
ОЛИЙ ЛИГА, 21-ТУР.
16:00. "ЛОКОМОТИВ" - "ПАХТАКОР" - 0:1.
Гол: Станислав Андреев (22)
Огоҳлантириш: Александр Шадрин (35) — Даврон Ҳошимов (39)
"Локомотив": 12. Темур Ғаниев, 3. Евгений Гоголь, 6. Дилшод Раҳматуллаев, 8. Акмал Холматов, 11. Александр Шадрин, 19. Ислом Иномов, 20. Ислом Тўхтахўжаев, 22. Шерзод Шарипов, 29. Виктор Карпенко, 30. Дилшод Жабборов (16. Жасур Ҳасанов 74), 99. Александр Оника (23.Иван Нагаев 46)
Захира: 31. Артур Парванов, 4. Бобур Йўлдошев, 16. Жасур Ҳасанов, 17. Салим Мустафоев, 23. Иван Нагаев, 24. Иброҳим Раҳимов, 33. Икром Алибоев
"Пахтакор": 12. Александр Лобанов, 4. Боян Миладинович, 5. Акбар Исматуллаев (20.Анвар Солиев 62), 7. Кахи Махарадзе, 15. Жамшид Искандеров, 19. Игорь Сергеев, 23. Александр Мерзляков, 24. Давронбек Ҳошимов, 28. Станислав Андреев (14. Шерзод Каримов 67, 29. Владимир Козак, 34. Ойбек Қиличев (26. Дилшод Шарофетдинов 76)
Захира: 1. Никита Рибкин, 10. Жора Оганесян, 14. Шерзод Каримов, 20. Анвар Солиев, 26. Дилшод Шарофетдинов, 38. Аббосбек Махсталиев, 55. Анвар Ражабов
Ҳакамлар: Марат Исмоилов, Андрей Снетков, Андрей Цапенко, Шуҳрат Бозоров
Назоратчи: Р.Серазетдинов
