Ўзбекистон миллий терма жамоаси бош мураббийи, "Олтин тўп"нинг собиқ соҳиби Фабио Каннаваро жамоа билан олиб борилган ишлардан мамнун эканини билдирди.
"Сўнгги вақтларда амалга оширилган ишларга назар ташлар эканман, Ўзбекистон терма жамоасидан мамнунлик ва ҳатто фахр туйғусини ҳис қиляпман.
Биз катта йўлни босиб ўтдик, жиддий авлодлар алмашинувини амалга оширдик. Футболчиларнинг ўртача ёшини сезиларли даражада пасайтирдик ва ажойиб натижаларга эришдик.
Биз учрашувларда осонлик билан ғалаба қозондик. Ҳатто мағлубиятга учраган пайтларимизда ҳам ўз ўйинимиздан мамнун ҳолда майдонни тарк этдик", — дея Каннаваронинг сўзларини келтиради Италиянинг La Gazzetta dello Sport нашри.
Эслатиб ўтамиз, ўтган ёзда Ўзбекистон миллий терма жамоаси ўз тарихида илк бор жаҳон чемпионатининг финал босқичида иштирок этган эди.
