Италия А Сериясининг 6-туридан ўрин олган учрашувда «Наполи» ўз майдонида «Фрозиноне»ни 3:0 ҳисобида мағлуб этди.

Учрашувда ҳисоб 29-дақиқада очилди. Кевин Де Брейне пенальтини аниқ амалга ошириб, неаполликларни олдинга олиб чиқди. Орадан уч дақиқа ўтиб, Ноа Ланг рақиб дарвозасини ишғол қилиб, мезбонларнинг устунлигини икки тўпга етказди.

Баҳснинг якуний дақиқаларида Де Брейне яна бир бор ўз номини таблога ёздириб қўйди. Бельгиялик ярим ҳимоячи иккинчи голини киритиб, дубль қайд этди ва жамоасининг йирик ғалабасини таъминлади.

Ушбу ғалабадан сўнг «Наполи» 10 очко билан Италия чемпионати турнир жадвалида 9-ўринни эгаллаб турибди. Худди шунча очко жамғарган «Фрозиноне» эса 8-поғонадан жой олган.

Италия чемпионати. А Серия. 6-тур.

10 октябрь, 23:45. «Диего Армандо Марадона» (Неаполь)

«Наполи» — «Фрозиноне» — 3:0

Голлар: Де Брюйне, 29 — пенальтидан (1:0), Ланг, 32 (2:0), Де Брюйне, 90+4 (3:0).

Амалга оширилмаган пенальти: Хёйлунд (27).

«Наполи» таркиби: Мерет, Ррахмани, Бадиашиле, Марин, Де Брюйне, Лоботка (Гилмор, 72), Спинаццола (Политано, 81), Ди Лоренцо, Нерес (Мактоминей, 61), Ланг (Жоване, 72), Хёйлунд (Лукка, 61).

«Фрозиноне» таркиби: Пальмизани, Читтадини, Кальвани, Бракалья (Чикелла, 77), Ойоно, Кало, Масини (Терзич, 46), Шмид (Дзербин, 84), Квернадзе, Геджемис (Фини, 63), Раймондо (Бобчек, 63).

Сариқ карточкалар: Ррахмани (80), Бадиашиле (85).