Португалиянинг «Бенфика» клуби ҳужумчиси Вангелис Павлидис Италиянинг икки топ-клуби эътиборига тушди.
Инсайдер Экрем Конурнинг ижтимоий тармоқларда хабар беришича, Туриннинг «Ювентус» ҳамда «Милан» клублари жорий мавсум давомида грециялик футболчининг ўйинларини диққат билан кузатиб бормоқда.
Италия грандлари Павлидис трансфери учун «Барселона» билан рақобатга киришишни режалаштирмоқда. Каталонияликларнинг ҳам ҳужумчига қизиқиш билдираётгани ҳақида шу ҳафта маълум бўлган эди.
Аввалроқ «Бенфика» ўзининг асосий тўпурарини сотишдан тахминан 100 миллион евро ишлаб олмоқчи экани хабар қилинганди.
Қайд этиш жоиз, Павлидис Португалия чемпионатининг жорий мавсумида юқори натижадорлик намойиш этмоқда. Грециялик ҳужумчи Примейра доирасида ўтказган еттита учрашувида саккизта гол уриб, иккита голли узатма муаллифи бўлган.
