«Галатасарой» ярим ҳимоячиси Илкай Гюндоган «Барселона»нинг 19 ёшли вингери Ламин Ямаль ҳақида ўз фикрларини билдирди.
Сешанба куни Туркия жамоаси Чемпионлар лигаси умумий босқичининг иккинчи тури доирасида ўз майдонида «кўк-анорранглилар»ни қабул қилади.
«Биринчи машғулотнинг ўзиданоқ Ямалда мислсиз истеъдод борлиги аён бўлди. Аммо унинг шунчалик ёш бўлишига қарамай, жаҳон саҳнасида намойиш этаётган етуклиги ва барқарорлиги шунчаки ҳайратлантиради. Бундай енгиллик билан ўйнайдиган футболчиларни камдан-кам учратиш мумкин. Унинг ўйинини кузатиш катта завқ бағишлайди», — дея германиялик ярим ҳимоячининг сўзларини келтиради Actu Foot.
Илкай Гюндоган 2023/24 йилги мавсумда «Барселона» шарафини ҳимоя қилган. Шундан сўнг у «Манчестер Сити»га қайтган, яна бир йил ўтиб эса «Галатасарой» сафига қўшилган.
