2011 йил Мексикада бўлиб ўтган ўсмирлар ўртасидаги жаҳон чемпионатида ўзини кўрсатган Холмурод Холмуродовнинг “Машъал” билан тузган шартномаси шу йилнинг 3 декабрь куни тугаши лозим эди.
Футболчи бугун клуб билан шартномасини яна бир йилга узайтирди. Шундай қилиб сурхондарёлик ёш ярим ҳимоячи 2014 йилнинг 14 декабрига қадар “Машъал” футболчиси ҳисобланади.
Маълумот учун:
Холмурод Холмуродов 1994 йилнинг 29 июнида Сурхондарё вилоятининг Сариосиё туманида туғилган. У 2008 йилдан бери “Машъал” футболчиси ҳисобланади. Муборакка биринчи бор келганида Холмурод Джамшед Акбаров қўл остида футбол сирларини ўргана бошлади. Ҳозир эса Александр Хомяков қўл остида тўп тепмоқда.
