«Марсель» кетма-кет тўртта мағлубиятдан сўнг ғалабалар сари қайтди. «Труа»га қарши баҳсда Бруно Женезио шогирдлари 2:0 ҳисобида ишончли ғалабага эришди. Бу натижа бир неча ҳафта давомида ғалаба қозона олмаган «Олимпик» жамоасига бироз енгил нафас олиш имконини берди. Бироқ жамоа Марселга кўтаринки кайфиятда қайтаётган бўлса-да, Жоффрей Кондогбиа ҳақида бундай деб бўлмайди.

Учрашув олдидан ўтказилган қизиш машғулоти вақтида «Марсель» мухлисларидан бири француз ярим ҳимоячисига қарата: «Сен ёмон ўйнаяпсан!» — деб бақирди. Кондогбиа эса: «Одамларни ҳурмат қил!» — деб жавоб қайтарди ва мухлиснинг олдига борди. Шунда мухлис: «Мен сени ҳақорат қилганим йўқ. Шунчаки ёмон ўйнаётганингни айтдим, холос», — деди.

Охир-оқибат, стадион назоратчилари аралашувидан сўнг футболчи тинчланди ва жамоадошлари билан машғулотни давом эттирди.