«Лион» Лоис Опенданинг кичик болдир суяги синиши сабабли камида бир ой хизматларидан фойдалана олмайди. Ҳуқуқлари «Ювентус»га тегишли бўлган бельгиялик ҳужумчи Францияда ижара асосида тўп тепмоқда. У Лига 1 доирасида «Ланс»га қарши учрашувда ўнг оёғининг кичик болдир суягини синдириб олди. Франция клуби ўз баёнотида ушбу баҳсдаги ҳакамликни ҳам танқид қилди.

«Жароҳат учрашувнинг сўнгги дақиқаларида юз берди. Бутун ўйин давомида Лоис Опенда биринчи дақиқаларданоқ кўплаб қоидабузарликларга дуч келди, бироқ ҳакамлар фақат бир марта интизомий чора қўллади. “Лион” ҳужумчисига нисбатан бундай муносабатдан норози. Клуб футболчи зарур ҳимоя билан таъминланмаган, деб ҳисоблайди. Оқибатда у сафдан чиқишига сабаб бўлган тўқнашув юз берди», — дейилади клуб матбуот хизматининг баёнотида.

Айни пайтда «Лион» Франция Лига 1 чемпионатида тўртинчи ўринни эгаллаб турибди.