«Манчестер Юнайтед» ҳимоячиси Лени Йоро мавсумни ишончсиз бошлаган жамоа натижаларини яхшилай олишига ишонч билдирди. Футболчи Мадриднинг «Атлетико»сига қарши Чемпионлар лигаси учрашуви олдидан матбуот анжуманида иштирок этди.

«Мен жамоага ҳам, ўзимизга ҳам ишонаман. Кейинги ўйинларда янада яхшироқ ҳаракат қилиб, олдинга интилишда давом этишимизга ишончим комил. Бу вазият мени унчалик хавотирга солмаяпти. Мавсум бошида ҳар қандай жамоада қийинчиликлар юзага келиши мумкин. Биз уларни енгиб ўтишга ва ишлашда давом этишга тайёрмиз», — деди Йоро.

Франциялик футболчи жамоадаги вазият очиқ муҳокама қилинадиган учрашувларнинг аҳамиятини ҳам таъкидлади.

«Менимча, бу жамоа учун жуда муҳим. Баъзан бор гапни очиқ айтиш керак. Биз ҳам шундай қилдик ва бундан кейин ҳам давом этамиз. Вазиятни қандай бўлса, шундай қабул қилишимиз ва янада яхшиланишимиз керак».

«Атлетико» — «Манчестер Юнайтед» учрашуви 13 октябрь куни кечқурун бўлиб ўтади ва Тошкент вақти билан 00:00 да бошланади.