Франциянинг машҳур собиқ ҳужумчиси Жан-Пьер Папен Килиан Мбаппенинг «Олтин тўп» ҳақидаги баёнотларини танқид қилди.

Сўнгги ойларда Мадриднинг «Реал» клуби ҳужумчиси бир неча бор жорий йилдаги мукофотга муносиб эканини таъкидлаган эди.

«Менга Килиан жуда ёқади. У рекордларни кетма-кет янгиламоқда, аммо бир пайт келиб ўзи ҳақида ҳаддан ташқари кўп гапира бошлади — мен, мен ва яна мен. “Олтин тўп” соҳибини бошқа одамлар танлайди. Унинг омма олдидаги баёнотларида доим “Мендан бошқа ҳеч ким бу мукофотга муносиб эмас” деган мазмун сезилиб турарди. Менимча, бу энди ҳаддан ошиш», — дея 1991 йилда «Олтин тўп»ни қўлга киритган Папеннинг сўзларини келтиради Footmercato.

Мукофотни топшириш маросими 26 октябрь куни бўлиб ўтади.