Каталониянинг «Барселона» клуби ярим ҳимоячиси Фермин Лопес 19 ёшли жамоадоши Ламин Ямалнинг ўйин савиясини юқори баҳолади.
«Ямал — дунёнинг энг яхши футболчиси. Буни унинг маҳоратидан ҳам билиш мумкин», — дея ярим ҳимоячининг сўзларини келтирмоқда инсайдер Фабрицио Романо ижтимоий тармоқларда.
Таъкидлаш жоизки, Ямал 2026 йилги «Олтин тўп» мукофоти учун асосий фаворитлардан бири ҳисобланади. Нуфузли совринни топшириш маросими 26 октябрь куни Англия пойтахти Лондонда бўлиб ўтади.
Ламиннинг бозор қиймати 220 миллион еврога баҳоланмоқда. Испаниялик футболчининг «Барселона» билан амалдаги шартномаси 2031 йилнинг июнь ойи охирида ўз ниҳоясига етади.
