«ПСЖ» ҳужумчиси Златан Иброҳимович жамоада шартномасининг охиригача қолмоқчи эканини таъкидлади.

«Ҳеч қачон «ҳеч қачон», дема.  Ҳамма нарса бўлиши мумкин. Қачондир «ПСЖ»да менга ишонмай қўйишлари мумкин ва шундагина мен жамоадан кетаман. Ҳозирча менга катта ишонч билдиришмоқда.

Мен шартномам тугаганига қадар Парижда қолишни хоҳладим. Клубнинг режалари ривожланиб бормоқда. Бу планда кимнинг қатнашиши муҳим эмас деб ўйлайман. Асосийси, у давом этмоқда.

Францияга келганимда мендан нима кутишаётганини билмаганман. Лига ҳақида ҳам деярли ҳеч нарса билмас эдим. Энди ҳаммасини биламан. Шерикларимни, жамоани ҳам. Менга нафақат майдондаги, балки ундан ташқаридаги ҳолат ҳам аён бўлиб бормоқда»,- дейди Иброҳимович.