«Пари Сен-Жермен» бош мураббийи Луис Энрике Чемпионлар лигаси умумий босқичи 2-туридан ўрин олган «Манчестер Сити»га қарши ўйиндан (4:2) кейин жамоасининг биринчи ва иккинчи бўлимлардаги ўйинидаги фарқ ҳақида фикр билдирди.

— «ПСЖ»нинг ўйин сифати нега учрашув давомида бунчалик ўзгариб турди?
— Рақиб 0:3 ҳисобида ортда қолаётганди. «Сити» катта таваккал қилди. Бундай вазиятни енгиб ўтиш қийин. Бизда муаммолар бўлди, аммо шунга қарамай, Премьер-лига жамоаси устидан ғалаба қозондик.

— Ушбу ғалаба билан Европага қандайдир хабар юбордингизми?
— Йўқ. Қандай хабар? Бизнинг хабаримиз — Чемпионлар лигасида ғолиб чиқиш. Мусобақанинг айни босқичида ким энг яхши экани муҳим эмас.

— Сиз Англия клублари устидан ғалаба қозонишда давом этяпсиз. Энди психологик устунликка эгамисиз?
— Умид қиламанки, шундай (кулади). Бу ажойиб серия. Рекордлар мени қизиқтирмайди. Бир неча ҳафтадан кейин бу ерга яна қайтамиз («Астон Вилла»га қарши ўйин учун). Сизни яна кўришдан хурсанд бўламиз, — дея Луис Энрикенинг сўзларини келтиради L'Équipe.

Чемпионлар лигаси умумий босқичининг 3-турида «Манчестер Сити» 20 октябрь куни АЕК билан учрашади. «ПСЖ» эса шу куни «Барселона»га қарши баҳс олиб боради.

Чемпионлар лигаси. Умумий босқич, 2-тур
«Манчестер Сити» (Англия) — «ПСЖ» (Франция) — 2:4
Голлар: Дуэ (13), Дембеле (15), Витинья (32), Холанд (53), Аклиуш (63), Холанд (75).