«Манчестер Сити» марказий ҳимоячиси Марк Гехи Европа Чемпионлар лигаси умумий босқичининг 2-турида «ПСЖ»дан учралган мағлубият (2:4) ҳақида фикр билдирди.

Энцо Мареска бошчилигидаги жамоа учрашувнинг биринчи бўлимини муваффақиятсиз ўтказди. Баҳснинг 32-дақиқасига келиб, парижликлар 3:0 ҳисобида олдинга чиқиб олган эди.

Гехи дастлабки икки гол ўтказиб юборилган вазиятда ўзининг ҳам айби борлигини тан олди. Шунингдек, ҳимоячи танаффусдан кейин жамоасининг ўйини сезиларли даражада яхшиланганини таъкидлади.

«Биз биринчи бўлимда анча яхшироқ ҳаракат қилишимиз керак эди. Бу гапни ўзимга нисбатан ҳам айтяпман. Дастлабки икки гол ўтказиб юборилган вазиятда менинг ҳам айбим бор.

«ПСЖ» бизга қараганда анча тажовузкор ўйнади. Иккинчи бўлимда эса вазият бутунлай ўзгарди. Биз анча фаол ва курашувчан ҳаракат қилдик, яккакурашларда кўпроқ ғалаба қозондик. Бу эса голли вазиятлар яратиш ва рақиб дарвозасини ишғол қилишимизга имкон берди.

Биринчи бўлимни яхши ўтказмадик, аммо иккинчи бўлимдаги ўйинимиздан кўплаб ижобий жиҳатларни ажратиб олиш мумкин.

Умид қиламанки, бу учрашувдан тегишли сабоқ чиқарамиз ва келгусида янада кучлироқ ўйнаймиз», — дея Гехининг сўзларини келтиради City Xtra.

«Манчестер Сити» Чемпионлар лигаси умумий босқичининг 3-турида 20 октябрь куни ўз майдонида Грециянинг АЕК клубини қабул қилади.