«Барселона» ярим ҳимоячиси Френки де Йонгнинг Англия Премьер-лигасига кўчиб ўтиш эҳтимоли камайди. Нидерландиялик футболчига аввалроқ қизиқиш билдирган «Челси» ва «Манчестер Юнайтед» уни сотиб олиш режасидан воз кечгани хабар қилинмоқда.
Бу ҳақда talkSPORT нашри маълум қилди.
Манбанинг ёзишича, Англиянинг икки йирик клуби ҳам 29 ёшли футболчига бўлган қизиқишини сезиларли даражада камайтирган.
«Челси» ва «Манчестер Юнайтед» эндиликда де Йонгни таркибни кучайтириш учун устувор номзод сифатида кўрмаяпти. Бунга ярим ҳимоячининг сўнгги вақтларда жароҳатлар сабаб тез-тез майдондан четда қолаётгани асосий омил сифатида кўрсатилмоқда.
Қайд этиш жоиз, Френки де Йонг жорий мавсумда ҳали бирор марта майдонга тушгани йўқ. Нидерландиялик футболчи жаҳон чемпионати давомида жароҳат олган ва шундан буён ўйинларда иштирок этмаяпти.
Де Йонгнинг «Барселона» билан амалдаги шартномаси 2029 йилнинг июнь ойига қадар мўлжалланган.
