«Барселона» ва Бразилия терма жамоасининг собиқ футболчиси, «Олтин тўп» соҳиби Ривалдо россиялик собиқ ҳужумчи Андрей Аршавиннинг фаолияти ҳақидаги фикрлари билан ўртоқлашди.
«Агар футболчи “Олтин тўп” учун номзод сифатида кўрсатилган бўлса, демак, унинг “Барселона” етакчисига айланиши учун барча имкониятлари бўлган. Аршавин буюк футболчи эди», — дея бразилиялик футболчининг сўзларини келтиради «Чемпионат».
Эслатиб ўтамиз, Аршавин Санкт-Петербургнинг «Зенит» клуби сафида Россия чемпиони бўлган, мамлакат кубоги, УЕФА кубоги ва Суперкубокни қўлга киритган. Россия терма жамоаси билан эса ҳужумчи 2008 йилги Европа чемпионатининг бронза медалларига сазовор бўлган.
