«Ювентус» бош мураббийи Лучано Спаллетти Европа лигасининг 2-турида «Сельта»га қарши ўйинда (2:1) захирага олинган қанот ҳужумчиси Франсишку Консейсаунинг хатти-ҳаракатларига муносабат билдирди.

Майдонни тарк этгач, футболчи захира ўриндиғига бир неча бор зарба берган ва мураббийлар штаби вакилларидан бири билан тортишиб қолган.

«У ғазабини ўзига қаратгани маъқулроқ бўларди. Акс ҳолда, бу масалани кейинроқ муҳокама қилишимиз мумкин. Агар айтадиган гапи бўлса, эътирозларини ўз ўйини туфайли аввало ўзига билдирсин.

Бундан ташқари, у 70-дақиқада захирага олинди, бир неча кундан кейин эса бизни навбатдаги ўйин кутмоқда. Агар у ҳақиқатан ҳам шундай муносабатда бўлган бўлса — гарчи мураббийлар штабим бундай бўлмаганини айтаётган бўлса-да, — унда бизга нимани ўйлаётганини тушунтирсин. Биз эса вазиятга ойдинлик киритишга ҳаракат қиламиз», — дея Спаллеттининг сўзларини келтирмоқда Football Italia.

Консейсау Италия жамоасининг асосий таркибида майдонга тушди ва 64 дақиқа ҳаракат қилди. У учрашувда гол ёки голли узатма билан ажралиб турмади.

23 ёшли португалиялик футболчи жорий мавсумда клуб миқёсида барча мусобақаларда саккизта учрашувда иштирок этди. Унинг ҳисобида битта гол ва битта голли узатма бор.