«Аталанта» бош мураббийи Маурицио Сарри футбол учрашувлари тақвимининг ҳаддан ташқари тиғизлиги муаммоси ҳақида фикр билдирди.
«Футболчилар мантиқсиз ва бемаъни тақвимнинг салбий таъсирига дуч келмоқда. Бу ҳафта мушак жароҳатлари жуда кўп бўлди. УЕФА ва ФИФАга шикоят қилиш керак.
Италия футболчилар ассоциацияси (Италияда футболчилар манфаатларини ҳимоя қилувчи профессионал касаба уюшмаси — таҳририят изоҳи) нега ҳеч нарса демаяпти ва сукут сақлаётгани мени ҳайрон қолдирмоқда», — дея Саррининг сўзларини келтирди журналист Николо Скира ўзининг X ижтимоий тармоғидаги саҳифасида.
Италия чемпионатининг олти туридан кейин «Аталанта» тўққиз очко жамғарган ва турнир жадвалининг 10-поғонасини эгаллаб турибди.
