Лондоннинг "Челси" клуби ҳимоячиси ва сардори Рис Жеймс тиззасидан жарроҳлик амалиётини бошдан кечирди. Бу ҳақда клуб расмий сайти орқали маълум қилди.
"Жамоамиз сардори Рис Жеймс тиззасидан кичик жарроҳлик амалиётини муваффақиятли ўтказди.
26 ёшли футболчи машғулот вақтида олган жароҳатидан сўнг тиббий кўрикдан ўтаётгани сабабли шанба куни "Стэмфорд Бриж" стадионида "Борнмут"га қарши кечган учрашувни (5:1) ўтказиб юборди.
Тиббий текширув натижалари жарроҳлик аралашуви зарурлигини тасдиқлади.
Рис айни пайтда жароҳатдан тикланиш жараёнини бошлаган. Реабилитация давомида унга клубнинг Кобҳемдаги машғулот базасида фаолият юритувчи тиббий штаб ҳар томонлама ёрдам беради.
"Челси"даги барча Рисга тезроқ соғайиб кетишини тилайди ва унинг сафга қайтиши йўлида қўллаб-қувватлашда давом этади", — дейилади клубнинг расмий баёнотида.
