Португалия терма жамоаси бош мураббийи Жорже Жезушнинг юристи Луиш Мигел Энрике миллий жамоа ҳужумчиси Криштиану Роналдунинг хатти-ҳаракатлари ҳақида фикр билдирди.

Аввалроқ футболчи можароли вазиятдан сўнг терма жамоа қароргоҳини тарк этган ва Жезушни берган ваъдасида турмаганликда айблаб, баёнот эълон қилган эди.

«Криштиану Роналду ўз хатти-ҳаракатлари, хулқ-атвори ва муайян кўрсаткичларга бўлган муккасидан кетиши билан ҳеч бир рақиб уддалай олмаган ишни амалга оширмоқда: у бизга тақдим этган барча яхши нарсаларни эслаш қобилиятимизни йўқ қилмоқда.

У тобора кўпроқ ўзи эшитишни истаган гапларни айтадиган инсонлар билан ўраланиб бормоқда, унга аслида эшитиш зарур бўлган гапларни айтадиганлар эса тобора камаймоқда.

Бу — худолар ва автократлар қисмати: охир-оқибат улар Олимп чўққисида ёлғиз қолишади, атрофларини эса фақат аксларини кўрсатувчи кўзгулар ўраб олади», — дея Энрикенинг сўзларини Football Tweet ижтимоий тармоқларнинг X платформасида келтирди.