Халқаро футбол федерацияси (ФИФА) 2027 йилдан 2030 йилгача бўлган даврда футболни молиялаштириш ҳажмини 6,35 миллиард долларга етказиш бўйича таклифни тақдим этди. Бу ҳақда ташкилотнинг расмий сайтида хабар берилди.

Ташаббус 15 октябрь куни Швейцариянинг Цюрих шаҳрида бўлиб ўтган ФИФА кенгаши йиғилишида тақдим этилди. Инвестицияларни ошириш ташкилот захира маблағлари ҳисобидан амалга оширилиши таклиф қилинмоқда. Ушбу маблағлар, жумладан, 2026 йилги Жаҳон чемпионатидан тушадиган даромадлар ҳисобига шаклланган.

Режага кўра, 211 та миллий футбол ассоциациясининг ҳар бири 25 миллион долларгача маблағ олиши мумкин. Қўшимча маблағларни аёллар ва ёшлар футболи, инфратузилма ҳамда узоқ муддатли лойиҳаларни ривожлантиришга йўналтириш ҳам кўзда тутилган.

Дастурнинг якуний шартларини 2026 йил декабрь ойида келишиб олиш режалаштирилган.