«Ливерпуль» ва «Астон Вилла»нинг собиқ бош мураббийи Стивен Жеррард Чемпионшипда иштирок этаётган клубнинг янги бош мураббийига айланиши мумкин. Бу ҳақда talkSPORT хабар бермоқда.
Манба маълумотларига кўра, афсонавий собиқ футболчи «Рексхэм» клубидан таклиф олса, жамоани бошқаришга тайёр. Айни пайтда клуб омадсиз даврни бошдан кечирмоқда, шу боис бош мураббий Фил Паркинсоннинг истеъфога чиқарилиши эҳтимоли ҳам йўқ эмас.
Бироқ Жеррард ягона номзод эмас. «Рексхэм» рўйхатида «Фулхэм»нинг собиқ бош мураббийи Скотт Паркер ҳам бор.
Чемпионшипнинг 10 туридан кейин «Рексхэм» 11 очко билан турнир жадвалининг 17-ўрнини эгаллаб турибди.
