«Ливерпуль» ҳимоячиси Рональд Араухонинг келажаги ҳақида янги маълумотлар пайдо бўлди. Уругвайлик футболчи Англия грандида ижара асосида тўп сурмоқда. Унинг трансфер ҳуқуқи эса «Барселона»га тегишли.
Журналист Экрем Конурнинг маълумотларига кўра, Араухони ижарага бериш шартномасида уни 55 миллион евро эвазига сотиб олиш банди мавжуд. Таъкидланишича, трансфер футболчининг ўзи қабул қиладиган қарорга боғлиқ бўлади.
Араухо учун устувор мақсад — «Барселона»га қайтиш. У «Ливерпуль»даги ижарани каталонияликлар бош мураббийи Ханс-Дитер Фликка ўз имкониятларини исботлаш учун берилган имконият сифатида кўрмоқда.
Қайд этилишича, ҳимоячи ижара муддати тугагач, келажаги бўйича қарор қабул қилишдан олдин мураббий билан суҳбатлашмоқчи.
Араухо «Ливерпуль» сафида барча мусобақаларни ҳисобга олганда тўққизта учрашувда иштирок этиб, битта гол урди ва битта голли узатмани амалга оширди.
