«ПСЖ» бош мураббийи Луис Энрике Усман Дембеле ҳақида фикр билдирди. Ҳужумчи Чемпионлар лигасида «Манчестер Сити» устидан қозонилган 4:2 ҳисобидаги ғалабадан кейин ҳазил тариқасида яна бир таътил сўрашини айтган эди.

«Бу ерда у бошлиқ! Агар у таътил сўраса, демак, таътил бўлади. Аммо у доим ҳазиллашади. Унинг футболга муносабати ва ўйинга бўлган иштиёқи менга ёқади. Албатта, бу ҳазил эди, лекин мен ҳар доим футболчиларга улар истаган нарсани беришга тайёрман. Албатта, меъёр доирасида. Доим асосий таркибда ўйнашнинг иложи йўқ. Бундай қарорларни қабул қилиш менинг масъулиятим эканини улар яхши билишади.

Доимий таътил масаласига келсак... Биласизми, машғулот базасига келиб, шу ерда машқ қилишнинг ўзи ҳақиқий таътилдир», — деди Энрике матбуот анжуманида.

17 октябрь куни «ПСЖ» Франция чемпионати доирасида сафарда «Страсбург»га қарши майдонга тушади.