«Бавария» спорт директори Макс Эберль яқинлашиб келаётган қишки трансфер ойнасида амалга оширилиши мумкин бўлган трансферлар ҳақидаги саволга жавоб берди.

«Ҳозирги таркибимиздан тўлиқ мамнунмиз. Январь ойида трансферлар бозорига чиқишимиз учун бирорта ҳам сабаб кўрмаяпман», — деди клуб раҳбари Sky Sport нашрига.

Мутахассиснинг фикрича, барча футболчилар энг яхши жисмоний ҳолатига кирганидан кейин «Бавария» кетма-кет яхши натижалар қайд эта бошлайди. У қишда янги футболчиларни сотиб олиш учун сабаб кўрмаётганини яна бир бор таъкидлади.

«Бавария» кетма-кет иккита учрашувда дуранг ўйнади: Бундеслигада «Аугсбург» билан 2:2, Чемпионлар лигасида эса «Викинг» билан 3:3.

Беш турдан кейин Венсан Компани бошқараётган жамоа Германия чемпионати турнир жадвалида учинчи ўринни эгаллаб турибди.