«Реал» ўзининг расмий сайтида жамоанинг пайшанба куни эрталаб ўтказган машғулоти ҳақида маълумот эълон қилди.
«Рома»га қарши Чемпионлар лигаси учрашувида асосий таркибда майдонга тушган футболчилар тикланиш машқларини бажаришди. Қолган футболчилар эса машғулотни майдондаги бадан қиздириш машқлари билан бошлашди. Кейин жамоа тўпни ҳаракатлантириш ва югуриш машқлари устида ишлади. Шундан сўнг тўп назорати ва прессинг бўйича машғулотлар ўтказилди, шунингдек, дарвозага зарба бериш машқлари бажарилди.
Машғулот якунида кичрайтирилган майдонда икки томонлама ўйинлар ўтказилди. Кейин футболчилар яна бир бор дарвозага зарба беришни машқ қилишди.
«Реал» Рауль Асенсио ва Родриго жароҳатларидан тикланиш жараёнини давом эттираётганини маълум қилди.
«Реал» навбатдаги учрашувини 18 октябрь куни «Севилья»га қарши ўтказади.
