«Атлетико» бош мураббийи Диего Симеоне Испания чемпионати доирасида «Эспаньол»га қарши ўйин олдидан журналистлар саволларига жавоб берди. Ундан «Реал» ҳужумчиси Винисиус Жуниорнинг дисквалификацияси ҳақида сўрашди.

Маълумки, бразилиялик футболчи майдонда рақибининг сочидан тортгани учун қизил карточка олган ва тўртта ўйинга дисквалификация қилинган.

— Винисиус Жуниор ва Икер Луке учун қўлланилган жазолар ўртасида фарқ кўряпсизми? — деб сўради журналистлар.

— «Эспаньол», — дея қисқа жавоб берди Симеоне.

Шу тариқа, аргентиналик мураббий эътиборини фақат олдинда турган учрашувга қаратганини билдириб, мавзуни қисқа жавоб билан якунлади.

Айни пайтда «Атлетико» Испания чемпионати жадвалида иккинчи ўринни эгаллаб турибди.