«Арсенал» бош мураббийи Микель Артета матбуот анжуманида жароҳат олган футболчиларнинг ҳолати ҳақида маълумот берди.
"Салибага келсак, тикланиш жараёнини баҳолаш учун келаси ҳафта яна бир МРТ текширувидан ўтамиз. Ҳозирча барча белгилар жуда ижобий. Унинг сафга қайтиши жуда яхши бўларди.
Инкапье яхши тикланмоқда. Унинг характерини ҳисобга олсам, жамоага қайтишини узоқ кутишимизга тўғри келмайди, деб ўйлайман. Бироқ бунинг учун яна бир ёки икки ҳафта керак бўлиши мумкин.
Субимендининг аҳволи яхшиланди. Эртага яна бир машғулот ўтказамиз ва унинг «Ноттингем Форест»га қарши ўйинда майдонга тушишга тайёр ёки тайёр эмаслигини баҳолаймиз.
Цолиснинг тикланиши жуда яхши кечмоқда. У такрорий МРТ текширувидан ўтди ва натижалар қувонарли. Бир-икки ҳафтадан кейин у яна сафга қайтади", — деди Артета.
