Испания Олий спорт кенгаши (CSD) Ла Лига президенти Хавьер Тебасга нисбатан чора кўриш имкониятини кўриб чиқмоқда. Бу ҳақда Marca нашри хабар берди.
Тебас Мадриднинг «Реал» клуби телеканали фаолиятини нацистлар Германиясида қўлланилган тарғибот усуллари билан таққослаган эди.
Эслатиб ўтамиз, Тебаснинг баёнотидан сўнг «Қироллик клуби» расмий муносабат билдириб, Ла Лига президенти томонидан бундай қиёслашлар қилиниши мутлақо номақбул эканини таъкидлаганди.
«Реал» клуби баёнотида қуйидагилар қайд этилган:
«Гап нацистлар мафкураси ҳақида эмаслигига аниқлик киритилиши бу баёнотларнинг ўта ҳақоратомуз, маънавий жиҳатдан жирканч ва эгаллаб турган лавозимга номуносиб эканини юмшатмайди».
