Италиянинг «Милан» клубида тўп тепган собиқ футболчи Алессандро Костакурта жамоанинг ёш истеъдодлари Альфаджо Сиссе ва Давиде Бартезагига ортиқча босим ўтказилиши уларга салбий таъсир кўрсатишидан хавотирда.

«Менимча, бу ёшлар ўз кучига ва имкониятларига жуда ишонади. Умид қиламанки, уларга ҳаддан ташқари босим ўтказмаймиз.

U-21 ёшлар терма жамоаси сафидаги муваффақиятли ўйинлар уларга фойда келтирди, деб ўйлайман. Футболчиларнинг ишлари яхши кетаётганида, бу бутун жамоанинг руҳиятини кўтаради. Бундай учрашувлар ҳам алоҳида футболчиларнинг, ҳам жамоанинг ўзига бўлган ишончини янада мустаҳкамлайди», — дея Костакуртанинг сўзларини келтиради pianetamilan.it.