Дортмунднинг «Боруссия» клуби 17 ёшли қанот ҳужумчиси Матис Альберт анчадан буён Лондоннинг «Челси» клуби қизиқишлари доирасида бўлиб келмоқда. Бу ҳақда инсайдер Экрем Конур ижтимоий тармоқларда хабар берди.
Манба маълумотига кўра, «Челси» ҳали январь ойидаёқ футболчини ўз сафига қўшиб олишни истаган, бироқ Германия клуби уни жамоада сақлаб қолишга қарор қилган. Қайд этилишича, Альбертнинг трансфери фақат келаси ёзда, футболчи 18 ёшга тўлганидан кейин амалга ошиши мумкин.
Америкалик футболчининг Дортмунд клуби билан амалдаги шартномаси 2027 йилнинг июнь ойи охирида ўз ниҳоясига етади. Transfermarkt портали мутахассислари унинг бозор қийматини 5 миллион еврога баҳоламоқда.
