BBC журналистлари Англия Премьер-лигаси тарихидаги энг яхши захира футболчилари рейтингини тузишди. Рейтингнинг биринчи поғонасидан Лондоннинг «Тоттенхэм» клуби собиқ ҳужумчиси Жермейн Дефо жой олди.

Иккинчи ўринни «Арсенал»даги ўйинлари орқали танилган нигериялик Нванкво Кану эгаллади. Кучли учликдан эса «Манчестер Юнайтед»нинг собиқ ҳужумчиси Уле Гуннар Сульшер ўрин олди.

Тўртинчи поғонага «Манчестер Сити» сафида тўп сурган босниялик ҳужумчи Эдин Жеко жойлашди. Бешинчи ўринни эса «Манчестер Юнайтед» ва «Вест Хэм» клубларида ўйнаган мексикалик ҳужумчи Хавьер Эрнандес банд этди.

Рейтингни тузишда захирадан майдонга тушганидан кейин урилган голлар, шунингдек, ушбу голлар ва голли узатмаларнинг футболчининг умумий натижаларидаги улуши ҳисобга олинган.