Мадриднинг «Реал» клуби бош мураббийи Жозе Моуриньо «Севилья»га қарши бўлиб ўтадиган Испания чемпионати учрашуви олдидан ўз фикрлари билан ўртоқлашди.
«Севилья» — ажойиб жамоа. Улар сафардаги ўйинларда ҳам доимо хавфли рақиб ҳисобланади. Луис Гарсия жуда яхши иш олиб бормоқда. Бу жуда қийин ўйин бўлади, аммо биз ғалаба қозонишни истаймиз», — дея португалиялик мутахассиснинг сўзларини келтиради Madrid Xtra.
Испания чемпионатининг тўққизинчи тури доирасидаги «Реал» ва «Севилья» ўртасидаги учрашув 18 октябрь куни бўлиб ўтади. Ўйин Тошкент вақти билан соат 00:00 да бошланади.
