«Ливерпуль» «Астон Вилла» ярим ҳимоячиси Йохан Манзамбига қизиқиш билдирмоқда ва уни Алексис Мак Аллистернинг эҳтимолий ўринбосари сифатида кўриб чиқмоқда. Бу ҳақда TEAMtalk хабар бермоқда.
«Реал» Мак Аллистерни кузатишда давом этмоқда ва 2027 йилнинг ёзида уни ўз сафига қўшиб олишдан манфаатдор. Аргентиналик футболчи аввалроқ «Ливерпуль»дан янги шартнома бўйича таклиф келмаганидан хафа эканини айтган эди. Шунингдек, мерсисайдликлар ярим ҳимоячи билан шартномани узайтирмасликка қарор қилгани ҳақида ҳам хабарлар тарқалган.
Манзамби 2026 йилнинг ёзида «Фрайбург»дан «Астон Вилла»га ўтган. Бонусларни ҳисобга олганда, трансфер қиймати 68 миллион еврони ташкил этган. Жорий мавсумда 20 ёшли швейцариялик футболчи барча мусобақаларда бешта ўйинда майдонга тушиб, иккита гол урди ва учта голли узатмани амалга оширди. Унинг клуб билан шартномаси 2031 йилгача амал қилади.
