«Бетис» январь ойидаги трансферлар ойнасида ҳужумчи Трой Пэрроттни сотишни режалаштирмаяпти. Бу ҳақда испаниялик журналист Кристиан Вакеро маълум қилди.
«Қишки трансферлар ойнаси олдидан Трой Пэрроттнинг «Манчестер Юнайтед» ёки «Тоттенхэм»га ўтиши борасида аниқ янгиликлар йўқ. «Бетис» уни январь ойида сотмайди. Англия клублари 2027 йил ёзида унга қизиқиш билдириши мумкин. Трой Пэрроттнинг шартномасида кўрсатилган товон пули 100 миллион еврони ташкил этади», — деб ёзди Вакеро ижтимоий тармоқларда.
Пэрротт 2026 йил ёзида АЗ клубидан «Бетис»га ўтган. Ҳужумчининг Испания клуби билан шартномаси 2031 йилгача амал қилади. У жорий мавсумда 7 та ўйинда майдонга тушиб, 2 та гол урди ва 1 та голли узатмани амалга оширди.
