"Арсенал" ҳужумчиси Нони Мадуэке Англия Премьер-лигасининг 7-турида "Ноттингем Форест" устидан қозонилган ғалабадан сўнг жамоасининг ўйинига баҳо берди.
Лондонликлар сафарда 1:0 ҳисобида устун келишди. Учрашувдаги ягона голга айнан Мадуэке муаллифлик қилди.
Футболчининг таъкидлашича, рақиб жиддий қаршилик кўрсатганига қарамай, "Арсенал" ғалаба қозониш учун етарлича характер намойиш этган.
"Рақиб бизга жуда кўп қийинчилик туғдирди. Бу ҳақиқатан ҳам оғир учрашув бўлди.
Барчамиз ғалабадан жуда хурсандмиз. Биз майдонда матонат, қатъият ва ҳақиқий чемпионлик руҳини кўрсатдик", — деди Мадуэке Sky Sports нашрига.
Англиялик ҳужумчи бош мураббий Микель Артета ўйин давомида футболчилардан нималарни талаб қилганини ҳам айтиб ўтди.
Унинг сўзларига кўра, Артета жамоага белгиланган режадан четга чиқмаслик, ҳужумда хавфли вазиятлар яратиш, ўз услубига содиқ қолиш ва ҳимояда ишончли ҳаракат қилиш бўйича кўрсатмалар берган.
Мазкур ғалабадан кейин "Арсенал" ҳисобидаги очколар сони 18 тага етди.
Айни пайтда лондонликлар Англия Премьер-лигаси турнир жадвалида иккинчи ўринни эгаллаб турибди.
