«Барселона» Чемпионлар лигаси умумий босқичида «Пари Сен-Жермен»га қарши ўтказиладиган учрашувда жорий мавсум учун тайёрланган либосларидан фойдаланмайди.

The Touchline нашри TV3 телеканали маълумотига таяниб хабар беришича, УЕФА каталонияликлардан 2025/26 йилги мавсумдаги тўқ сариқ рангли формасида майдонга тушишни сўраган.

Бундай қарорга жамоалар либосларининг ранглари билан боғлиқ эҳтимолий муаммо сабаб бўлган. «Барселона»нинг жорий мавсумдаги учала либос тўплами ҳам «ПСЖ»нинг уй формасига телевизион трансляциянинг умумий кадрларида ўхшаб кетиши мумкин.

Бу эса томошабинларга майдондаги футболчиларни бир-биридан ажратишда қийинчилик туғдириши эҳтимолини юзага келтирган. Шу сабабли Европа футбол иттифоқи каталонияликларга ўтган мавсумдаги тўқ сариқ либосдан фойдаланишни таклиф этган.

Эслатиб ўтамиз, «ПСЖ» ва «Барселона» ўртасидаги учрашув 20 октябрь куни Парижда бўлиб ўтади. Баҳс Тошкент вақти билан 21 октябрга ўтар кечаси соат 00:00 да бошланади.

Ҳар икки жамоа Чемпионлар лигаси умумий босқичининг дастлабки икки турида олтитадан очко жамғарган.