Бугун, 20 октябрь куни футбол бўйича Ўзбекистон кубогининг чорак финал босқичи учрашувлари бошланади. Ярим финал йўлланмаси учун саккизта жамоа кураш олиб боради.
Мусобақанинг ушбу босқичидан ўрин олган тўртта беллашувнинг учтаси бугун ўтказилади. Дастлаб ОКМК ўз майдонида «Гулистон»ни қабул қилади. Учрашув соат 18:30 да старт олади.
Куннинг қолган икки баҳси соат 19:00 да бошланади. Жиззахнинг «Сўғдиёна» жамоаси «Андижон»га қарши майдонга тушса, Фарғонанинг «Нефтчи» клуби Тошкентнинг «Локомотив» жамоаси билан куч синашади.
Чорак финалнинг сўнгги учрашуви 21 октябрь куни бўлиб ўтади. Унда Наманганнинг «Навбаҳор» клуби «Ғазалкент»ни қабул қилади.
Ўзбекистон кубоги. 1/4 финал
20 октябрь, сешанба
18:30. ОКМК — «Гулистон»
19:00. «Сўғдиёна» — «Андижон»
19:00. «Нефтчи» — «Локомотив»
21 октябрь, чоршанба
19:00. «Навбаҳор» — «Ғазалкент»
