«МЮ» ҳимоячиси Филь Жонс жамоанинг ёш футболчиси Аднан Янузайнинг ўйинига юқори баҳо берди.

«Бу муҳим уч очкони қўлга киритиш учун жонимизни бериб ҳаракат қилдик.

«Сандерленд» учрашувни жуда фаол бошлади. Биз бундай стартни кутмагандик. Шунинг учун бошланишида шошиб қолдик, лекин кейинчалик ҳаммасини жойига тушириб, нималарга қодир эканимизни кўрсатиб қўйдик.

Янузайнинг таланти чексиз. У бебаҳо футболчи. Агар Гарет Бэйл Янузайнинг иккинчи голи каби гол урса, ҳамма шокка тушиб қоларди.

Янузай – ажойиб йигит ва фантастик футболчи. Лекин у ўзини йўқотиб қўйгани йўқ. У нима қилишни билади. Шундай давом этса, Янузай юқори даражага эришиши аниқ»,- дейди Жонс.

Хабарингиз бор, кеча бўлиб ўтган «Сандерленд»га қарши учрашувда айнан Янузайнинг дубли Девид Мейес шогирдларига ғалаба келтирган эди.