Мадриднинг «Реал» клуби ҳужумчиси Килиан Мбаппе Франциянинг «Лилль» жамоасида тўп сураётган укаси Этан Мбаппенинг имкониятлари ва келажаги ҳақида фикр билдирди.

«Этан мендан кўра кўпроқ эътирофга лойиқ. У фаолиятимнинг бошида мен дуч келмаган босим остида ўйнамоқда.

У ҳали ўзини намойиш этиш имкониятига эга бўлмасиданоқ, одамлар уни баҳолашни бошлашган.

Этанда ажойиб футболчилик фаолиятини қуриш учун барча имкониятлар бор», — деди Килиан Мбаппе Onze Mondial нашрига берган интервьюсида.

19 ёшли Этан Мбаппе жорий мавсумда барча мусобақалар доирасида 7 та учрашувда майдонга тушиб, 1 та гол урган ва 1 та голли узатмани амалга оширган.

Transfermarkt портали маълумотларига кўра, вингернинг бозор қиймати 12 миллион еврони ташкил этади.