«ПСЖ» бош мураббийи Луис Энрике Чемпионлар лигаси умумий босқичининг 3-турида «Барселона» устидан қозонилган 4:2 ҳисобидаги ғалаба ҳақида гапирди. Шунингдек, парижликлар сафида иккинчи голни урган ҳимоячи Лукас Эрнандеснинг ўйинига баҳо берди.

«Бу жуда юқори савиядаги учрашув бўлди. Рақибимиз эса фавқулодда кучли жамоа. Ҳимояланиш биз учун қийин кечди, аммо ишончим комилки, ғалабанинг калити ҳам айнан шу бўлди. Биз ҳимояда яхши ишладик.

Жорий мавсумда ҳали мағлубиятга учрамаган жамоа устидан ғалаба қозонишга эришдик. Уларнинг ўртача натижадорлиги ҳар бир учрашувда тўртта голни ташкил этарди, биз эса уларга фақат иккита гол уришга имкон бердик.

Лукас Эрнандеснинг ўйини ҳақида? У тажрибали футболчи, ҳар доим ўйинга тайёр ва катта мақсадларга эга. Учрашувдан олдин унинг яхши ўйин кўрсатишини билардик. У тажовузкор ҳаракат қилади, аммо кераксиз қўполликларга йўл қўймайди. Лукас дунёнинг энг яхши футболчиларидан бирига қарши ажойиб ўйин ўтказди», — деди Энрике. Унинг сўзларини RMC Sport Canal+ телеканалига таяниб келтирди.