Мадриднинг "Реал" клуби дарвозабони Тибо Куртуа жамоа футболчилари ижтимоий тармоқларда машҳур бўлган, Килиан Мбаппе ҳазил тариқасида диктатор сифатида тасвирланган мемларга қандай муносабатда бўлишини сўзлаб берди.

"Ҳа, биз бундан куламиз, баъзида ҳатто кийиниш хонасида шу қўшиқни ҳам куйлаймиз. Ўйлайманки, охир-оқибат Мбаппенинг ўзига ҳам бу кулгили туюлади", — дея The Touchline нашри Куртуанинг сўзларини келтирмоқда.

2026 йилда Мбаппенинг диктатор қиёфасидаги мемлари ижтимоий тармоқларда кенг тарқалди. Фойдаланувчилар француз футболчиси тасвирланган ҳазиломуз расмлар ва видеоларни ушбу образга бағишланган қўшиқ билан бирга эълон қилишмоқда.

Мбаппе 2024 йилда "Реал"га ўтган. Унинг клуб билан амалдаги шартномаси 2029 йилгача мўлжалланган.