«Бавария» ҳужумчиси Харри Кейн Чемпионлар лигаси умумий босқичи 3-туридан ўрин олган «Арсенал»га қарши учрашув (2:2) ҳақида ўз фикрларини билдирди.

Учрашувнинг 61-дақиқасида англиялик ҳужумчи пенальтини аниқ амалга оширди.

«Менимча, биз яхши ўйин ўтказдик. Айниқса, иккинчи бўлим бошида гол уриб, яна битта тўп киритиш орқали учрашув тақдирини узил-кесил ҳал қилиш имкониятига эга бўлганимизда.

Ўйиннинг охирларига келиб, паст ҳимоя чизиғида ҳаракатланишга мажбур бўлдик. Тўпни ўз ярим майдонимиздан олиб чиқиш биз учун қийин кечди.

Умуман олганда, янада самаралироқ ҳаракат қилишимиз мумкин эди. Бироқ дуранг адолатли натижа бўлди, деб ҳисоблайман. Бу очкони қабул қиламиз ва олдинга ҳаракатланамиз», — деди Кейн DAZN телеканалига берган интервьюсида.

Чемпионлар лигаси. Умумий босқич, 3-тур.
«Арсенал» — «Бавария» — 2:2.