Мадриднинг «Реал» клуби дарвозабони Тибо Куртуа Испания чемпионатида «Барселона»га қарши бўлиб ўтадиган учрашув олдидан ҳакамлик масаласи ҳақида фикр билдирди.

Бельгиялик футболчидан «эл-класико»да ҳакамларнинг иши уни хавотирга соладими, деб сўрашди.

«Йўқ, чунки мен ҳакамларга ишонаман. Улар ҳам инсон ва хато қилишлари мумкин. Аммо хатолар доим бир томон фойдасига бўлмаслигига умид қиламиз», — дея Куртуанинг сўзларини келтиради Cope.

Дарвозабон, шунингдек, ҳакамлар қарорларини талқин қилишда аниқлик етишмаслиги унга ёқмаслигини таъкидлади.

«Барселона» ва «Реал» ўртасидаги «эл-класико» 25 октябрь, якшанба куни Барселонадаги «Камп Ноу» стадионида бўлиб ўтади.

Ла Лиганинг 9-туридан сўнг «Барселона» 27 очко билан турнир жадвалида пешқадамлик қилмоқда. «Реал» эса 21 очко билан учинчи ўринда бормоқда.